返工返到悶，食零食，返工返到個腦閉塞，食零食！食零食係好多人嘅習慣, 以一個從事文職工作為例，他們每天建議的飲食攝取量約1700千卡左右。如果，三餐正餐各攝取500卡路里，這樣小食熱量的攝取量就餘下約200千卡。若經常吃高熱量小如薯片、朱古力等，隨時食過量出現增磅危機！等小編介紹幾個健康小食嘅tips俾大家啦！
1. 加入高纖食物:
要食得低卡又飽肚，在一份小食中加入高纖食物是關鍵，例如：1大碟(625克) 士多啤梨才有200千卡，當中豐富嘅纖維和抗氧化物，更可以維持飽肚感長達3、4小時，特別適合貪靚嘅你進食。
2. 加入低脂、低鹽、低糖食品
健康小食以低脂、低鹽、低糖為大原則，除士多啤梨之外，車厘茄、青瓜、蘿蔔條都是好選擇，其中吃大約10粒車厘茄只有24千卡，含有豐富維他命，是減肥人士首選嘅小食！大家亦可揀選時令水果，切到細細粒，慢慢食，延長飽肚感。
另外，果仁的蛋白質含量也很高，有奧米加3脂肪酸，屬於好脂肪，10粒原味杏仁有70千卡，將杏仁當小食，建議吃不多於30粒。吃原味果仁比鹽焗、蜜糖焗製更健康，其他如乳酪、脫脂奶、穀物棒(cereal bar)、蒟蒻也是推介小食，市民宜先留意食物的營養標籤作出選擇，拼搭合心水的健康小食。
＞健康小食推介
1. 乳酪(豐富鈣質)＋ 穀麥早餐(高纖維)＝對骨骼健康有益
2.瑪利餅X 3.5塊 ＋ 1個中型蘋果＝剛好200千卡
點解想食零食？
心思思想吃零食，原因有好多，但未必與肚餓有關。壓力大、飲水不足、工作沉悶及「口痕」都會令人想起美食，甚至產生「假肚餓」。要遠離經常「想食嘢」的誘惑，就要減少買零食或漫無目的地行超市而亂買食物，提防因無聊而食野。
