八月份關愛行動～
唔經唔覺嚟到第六十九站啦！
今次又番到嚟荃灣仁德居啦！
搵番班老友記一齊再做毛巾操～
佢地好似真係都認得我哋一班義工
就算坐定定 都感受到佢哋好熱烈歡迎嘅心！
而且可能因為有記憶～
各位老友記都跟得好好
每個動作都不遺餘力！！
當日我哋義工仲特登帶咗啲零食小福袋
打算獎勵做得好～出色嘅老友記
最後義工們都覺得所有老友記都做得好好
所以位位都有份拎到禮物！
個個老友記收到禮物都笑到見牙唔見眼
好似小朋友咁 真係融化晒我哋義工嘅心！
老友記！保持健康！我哋下下次再見！
最後亦要多謝教練聯盟一直對我地關愛行動既支持～
#關愛行動 #PitStop #fulloflove
了解《關愛行動》: https://fb.watch/5gyfYEF_bM/
