好多人都以為跑得快，會瘦得快，好似出多D力就會減多D肥。但有人呢又鐘意慢跑。咁到底快跑定慢跑會燒脂勁D呢？下文即刻為你揭曉～
燃脂最佳公式＝長時間＋中低強度運動
【醣類】和【脂肪】是身體運動時主要嘅能量來源。但係到底身體幾時會消耗【醣類】，幾時又會消耗【脂肪】呢？掌握到當中嘅奧妙，減肥對你黎講應該唔係難事！
【醣類】：在運動剛開始時（30 分鐘以內）、高強度運動中使用較多。
【脂肪】：在運動持續一段時間後（30 分鐘以上）、中低強度運動（心率約每分鐘 120～140 下）中燃燒較多。
換言之，運動超過 30 分鐘，同時又能心跳率維持 120～140 左右，就可以有效燃燒過多嘅【脂肪】，而不是單單消耗左【醣類】。
所以睇到呢到，聰明嘅你，應該會諗到慢跑係比快跑較燒脂嘅！不過，咁唔代表快跑唔好，只係佢地嘅功效唔同！大家記得要根據自己的需求黎配搭哦～
慢跑 VS. 快跑，功效大不同
慢跑有助燒脂：
1. 對減脂較有幫助
2. 長時間運動，能訓練肌肉耐力
3. 要維持「能與他人對話」的程度，先唔會變成高強度的無氧運動
快跑訓練心肺：
1. 雖然快跑可以快速燃燒熱量，但主要能量來自【醣類】，來自【脂肪】的比例較低。
2. 與慢跑搭配成「間歇運動」，可有效突破減肥停滯期，仲可以大幅提升心肺能力，令運動變得更輕鬆！
3. 不過要注意： 快跑時呼吸、心跳十分急速，會好易感到疲累，運動時間無法持久
所以，一開始減肥嘅人最好就係調整飲食習慣加慢跑，減肥的效果會比較好。
而如果你想練體能或者突破減肥停滯期嘅話，快跑就對你比較有用啦～
大家做運動之前都係制定好自己嘅目標，咁先唔會浪費體力同精神！
