雖然好多研究都發現，行多D的確係對身體好D。但理想同現實有時都差好遠，身為上班族日坐8個鐘嘅你，點先可以達成營養目標呢？
美國衛生和公眾服務部最近做左一項研究(United States Department of Health and Human Services，衛生福利部)，建議成人每周最少進行150分鐘的中等強度有氧運動，如果用步行黎計，差不多就係每日一萬步。
而研究亦發現每日步行一萬步的人比長期坐著的人患心臟疾病同代謝症候群的風險較低。
不過，一般上班族每日只會行一千至三千步，而如果要行一萬步差不多要用兩個鐘！到底係咪真係workable 嫁呢？下面就有5大妙法幫你啦！
秘訣： “小小改變，大大進步”
1. 上班時候break 一break: 每小時或者半小時用幾分鐘，可以起身行一行，咁一日就可以多左15-20分鐘嘅活動時間。
2. 善用食飯時間，上下午各一次，每次行大約10分鐘。
3. 上落班途中，早一兩個站落車，或者將車停得遠一D，咁就會唔經唔覺行多幾步路啦。
4. 收工之後，就行多D去買野食、放狗、倒垃圾、順便周圍行多幾個圈。
5. 放假嘅時就培養需要多動的嗜好，例如踩單車，行山，或者貪玩嘅你去捉pokemon都得！仲之就做多D要郁動嘅活動啦！
久而久之，你嘅步數就會不斷增加，慢慢就會成功做到每日一萬步嫁啦！
