輕輕鬆鬆，咁又過左半日啦！好多人都鐘意係3點3嘅時候食個tea或者港式小食放鬆下。不過，唔好睇D小食細細份，原來佢地嘅卡路里都不比正餐少！好易一唔小心就食多左！隨時肥多幾磅！快D睇下邊D食得，邊D唔好食咁多啦！
惡魔組
1. 西多士:
冇獎問題比賽，大家估唔估到一件西多士有幾多卡路里呢？西多士有牛油、花生醬仲要經油炸，而且又係麵包，所以，一份西多士大約有584kcal，而一個成年人每日卡路里攝取上限係1,500-2,000kcal，所以食一份都已經食左3／4份1嘅熱量。都係小食為妙！
2. 菠蘿油
又係麵包，1個菠蘿包本身就大概有360kcal，再夾一片厚厚的牛油變成菠蘿油至少有450kcal，相當於2碗飯！
3. 雞蛋仔
由麵粉、糖、牛油等製成嘅雞蛋仔，糖分和飽和脂肪比例都偏高，卡路里有成390kcal。加上依家雞蛋仔有好多唔同嘅口味好似朱古力、芝士等，熱量就緊係更高！
小惡魔組
小食都有D相對冇咁高熱量～
1. 茶葉蛋
茶葉蛋多吃一D都無妨，一隻都只係73kcal! 而且，美國最近都有研究證實，雞蛋黃不會提升人體膽固醇。所以，口痕果時想食下都okay!
2. 魚蛋
唔講唔知，係多款街頭小食入面，魚蛋幾乎係最低卡，一串大概只有76kcal。不過，咁都唔代表你可以多食。因為魚蛋鹽份過高，食得太多會鈉吸收過多做成水腫，嚴重嘅仲會導致高血壓和腎病！
3. 生菜魚肉
生菜魚肉有菜，有肉都算健康，一碗大概有110kcal.不過最好都係唔好飲曬D味精湯。
貼士
小食，小食，都係少食好D！
