高蛋白早餐 越食越瘦
「早餐炒蛋多士，沙嗲牛麵，凍茶，唔該！」呢句對白可能 唔少人幾十年一早走入茶餐廳嘅第一句說話。 但係喺「三低一高」（低糖低鹽低脂高纖）嘅健康飲食大潮 流之下，點樣先係一個優質早餐，仲會越食越fit呢？
近年都不斷有研究指出，早餐嘅最高境界，係一字記之曰：「高」，這個「高」係代表要「高蛋白質」。研究指出，食一個含有約350卡路里，35克蛋白質嘅早餐，就會令到午飯少食咗26%嘅卡路里食物，因為高蛋白令人產生「飽足感」，從而減少咗當日飲食嘅攝取量，同時亦都避免咗體脂增加，血糖指數都會變得穩定。
美國密蘇里大學（University of Missouri）的研究指出，只要早餐能攝取足夠35克蛋白質，有機會在兩個月之內，最多減走7公斤的體重！所以有唔少名人，都會以高蛋白早餐作為減肥嘅方法。
網絡上都有唔少高蛋白質嘅食譜，大家都不妨參考一下，歸納當中的「優質蛋白」，主要係唻自以下來源：
肉類：適量魚肉、雞肉
奶類：牛奶、芝士、乳酪
蛋類：雞蛋
豆類：無糖豆漿
營養師:Dickson Pun
